Embaixadora Boa Vontade UNFPA, Sra. Catarina Furtado hamutuk ho Prezidente Republika (PR), DR. Jose Ramos Horta no Ministra Saude (MS), dr.Elia A.A. dos Reis Amaral asiste apresentasaun husi Xefi Unidade Obstretica HNGV, Parteira Elfrida Yustina Abuk (Foto HNGV/Theo)
Dili ( Media HNGV) vizita hare liu ba prekupasaun kazu mortalidade maternal no ante natal iha Timor Leste nomos atu verifika ekipa ospital ne’ebé servisu ho komitmentu no fo atendimentu kualidade ba inan isiin rua sira iha sala maternidade HNGV.
Informasaun nee hato’o husi Embaxadora Boa Vontande UNFPA, Catarina Furtado ba Jornalista sira hafoin halao vizita ba sala maternidade HNGV loron Kinta Feira (7/9/2023)
Embaxadora Boa Vontade UNFPA hatutan vizita Hospital ida ne’e laos foin dahuluk ba nia, maibe tinan hirak liu ba mai ona vizita HNGV no vizita ba loron ohin hare mudansa barak iha HNGV.
Ministra Saúde, dr. Elia A. A dos Reis Amaral hato’o informasaun ba Jornalista iha Koridor Maternidade HNGV ( Foto HNGV/Theo)
Iha fatin hanesan Ministra Saúde, dr. Elia A. A dos Reis Amaral hateten vizita ida ne’e atu mai hare situasaun perinatal no ante natal nian iha HNGV
“HNGV hetan vizita husi Embaixadora Boa Voantade UNFPA akompaña husi S.E Prisdente Repúblika mai iha Maternidade HNGV hodi hare situasaun ba prenatal no ante natal nian” Dehan Ministra Saúde.
Ministra Saúde hateten Governo IX kontinuasaun husi Governo anterior nafatin hadia sistema hodi tau preokupasaun ba dezafiu sira ne’ebé agora HNGV infrenta.
Alende ne’e Prezidente Repúblika (PR) Dr. Jose Ramos Horta hateten embaixadora nia vizita sai hanesan observador ida hodi hare realidade no nesidade iha HNGV nune’e bele hatutan fila fali ba doadores hodi fo tulun ba programa kona ba saude maternal.
“Hau hanesan akompaña Emabaixadora Boa Vontade UNFPA ho representante no Minstra Saúde ne’ebé depois husi vizita ne’e nudar embaixadora sei koalia fila fali ba doador sira iha Nasaun Europa no Nasaun Unidas kona ba realidade nia hare no nesidade nebe iha HNGV atu nune’e doador sira bele fo apoio ba inan no kik oan sira” katak Prezidente Repúblika.
Prezidente Repúblika (PR) Dr. Jose Ramos hato’o informasaun ba Jornalista hafoin vizita husi Sala Maternidade HNGV (Foto HNGV/Theo)
Prezidente Repúblika mos hatutan dala barak governo global tau matan liu ba kosok oan sira no haluha atu tau matan ba inan sira, liu-liu iha Timor-Lese tenke halo esforsu barak , tamba ekipamentus no fasilidade sedauk sufisiente nomos la iha intenisvu selu pesoal saúde.
Prezidente Repúblika informa ba Governo IX kona ba programa tinan lima mai bele halo buat barak mak hanesan hadia ospital referal , atualiza numeru mediku no ekipamentus sira iha ospital referal, tau matan ba mediku sira servisu iha suku ka aldeia, hari’i klinika no hare kondisaun uma ba mediku sira no ekipamentus ambulansia.
Iha sikun seluk Xefe Gabinete Controlo Qualidade no komunikasaun social HNGV, Sara Maria F. Xavier, hateten liu husi vizita ida ne’e Prezidente Repúblika, Embaxiadora Boa Vontade UNFPA no Ministra Saúde bele haforsa programa kuidadus ante natal ba inan isin rua sira iha sentru saúde komunitaria hodi prevensaun ba bebe mate iha kabun laran.
Xefe Gabinete Controlo Qualidade no komunikasaun social HNGV hatutan prevensaun bebe mate iha kabun laran akontese iha komunidade liu husi promosaun saúde ba inan sira oinsa atu observa bebe bok an durante isin rua nomos promosaun saúde nutrisaun saudavel ba inan isin rua sira.
Emtertantu vizita ne’e ba sala maternidade HNGV no Pediatria husi Prezidente Repúblika, Embaxiadora Boa Vontade UNFPA, Ministra saúde, Vise-Ministru Saude ba Operasionalizasaun Ospitais, Representante UNFPA ba Timor Leste, Concelho Diretivo HNGV, Xefi Gabinete, Xefi Departamento no Unidade HNGV.
REMATA
Media HNGV/Theo