Konsellu Directivu ba períudu 09 Agostu 2021 to’o 08 Agostu 2024

Dr. Alito Soares, M.Med. Surgery

(Directór Ezekutivu no Prezidente Konsellu Directivupor Inerênsia de Funsaun)

Dr. Marcelino Correia, M.Med. Opthal

(Directór Klíniku no Vogál Por Inerênsia de Funsaun)

Dra. Mingota Herculano, Mmed

Directora Apoiu Diagnóstiku no Terapêutika no Vogál

Jony Francisco dos Santos Silva, S.Kep.NS.M.Kep

Directór Enfermajen/Parteira no Vogál

Raul Humberto Gama, AMK, Lic. Enf.

(Directór Administrasaun, Finansas no Apóiu Lojistiku no Vogál)

Kompetênsia Konsellu Directivu no kada Directór sira

Konsellu Directivu nia atribuisaun atu define prinsípiu fundamentál ne’ebé sei orienta organizasaun no funsionamentu Hospital, atu akompaña esersísiu ba profisionál hotu no avaliasaun regulár. Kompetênsia Konsellu Directivu hanesan tuirmai:

a) Aprova planu actividade, orsamentu, relatóriu actividade no dokumentu prestasaun konta hodi submete ba aprovasaun superiór;

b) Kria sistema hodi hadia funsionamentu servisu;

c) Propoin kriasaun, extinsaun ka modifikasaun servisu foun hodi submete ba aprovasaun superiór;

d) Hakerek regulamentu internu hospital ba aprovasaun superiór;

e) Aprova regulamentu funsionamentu unidade hospitalar;

f) Akompanha no avalia regularmente actividade ne’ebé Hospital dezenvolve no responsabiliza unidade refere kona-bá utilizasaun rekursu ne’ebé disponibiliza no rezultadu dezempeñu servisu;

g) Define regra asistênsia ospitalár, asegura funsionamentu regulár servisu no garante kualidade no prontidaun servisu;

h) Avalia kumprimentu orientasaun klínika kona-bá preskrisaun aimoruk no meiu komplementár diagnóstiku, no protokolu klíniku adequadu ba patolojia frequente liu, no autoriza introduza imoruk foun no konsumáveis;

i) Buka hatene no determina medida ne’ebé adekuadu no determina medida adequadu ba keixa no reklamasaun pasiente;

j) Garante ezeukusaun polítika rekursu humanu, ho partisipasaun iha prosesu nomeasaun, kontratu, dispensa, avaliasaun, rejime traballu no oráriu, falta no formasaun pesoál, inklui pesoál dirijente, xefia no responsável servisu hospitalár, tuir poder Komisaun Funsaun Públika;

k) Estabelese akordu ho instituisaun ensinu no formasaun profisionál saúde hodi garante aula prátika no estájiu ba estudante;

l) Akompaña ezekusaun orsamentu, no propoin koresaun ba desviu;

m) Asegura regularidade kobransa reseita no realizasaun despeza;

n) Autoriza despeza bazeia ba lei;

o) Estabelese kritériu avaliasaun no amortizasaun rikusoin;

p) Aprova akizisaun no alienasaun rikusoin imóveis no móveis ne’ebé presizu rejistu, bazeia ba aprovasaun superiór;

q) Halo tuir lei no regulamentu.

Kompetênsia Directór sira

Directór Ezekutivu nia kompetênsia maka:

a) PrezideKonsellu Directivu;

b) Submete ba Ministru Saúde dokumentu ne’ebé presiza nia aprovasaun;

c) Halo tuir lei no regulamentu no kontrolu funsionamentu servisu;

d) Representa HNGV iha Tribunál ka perante instituisaun sira seluk, kuandu la iha mandatáriu dezignadu;

e) Pratika actu urjente kompetênsia Konsellu Directivu, maibé depois husu aprovasaun.

Directór nia kompetênsia maka:

a) Koordena planu actividade departamentu asistênsia klíniku sira hotu;

b) Propoin medida ne’ebé presiza hodi hadia estrutura funsionál no fíziku servisu klíniku;

c) Define padraunatu implementa sistema avaliasaun no garantia Kualidade klínika;

d) Deside kona-bá konflitu natureza técnica entre servisu klíniku;

e) Deside kona-bá asuntu étika no deontolojia profisionál saúde;

f) Partisipa iha prosesu jestaun profisionál saúde HNGV;

g) Promove actualizasaun koñesimentu profisionál saúde sira;

h) Akompaña no avalia asuntu hotu relasiona ho actividade klínika.

a) Ezekuta polítika no planu ne’ebé aprova ba área enfermajem;

b) Monitora planu actividade enfermajem no propoin medida hodi koriji no hadia;

c) Koordena hodi kada xefe unidade aprezenta nia planu anuál actividade ne’ebé sei integra iha planu jerál Hospital;

d) Promove no partisipa iha projectu atu hadia kualidade servisu enfermajen no seguransa pasiente, no promove inovasaun iha área enfermajen;

e) Apóia dezenvolvimentu implementasaun mekanismu auditoria kuidadu enfermajen, sertifikasaun no apóiu ba implementasaun no operacionalizasaun medida koretiva refere;

f) Garante rejistu adekuadu actu enfermajen hotu;

g) Kolabora ho Directór Servisu Asistênsia Klínika iha área enfermajen;

h) Koordena ho ekipa enfermajem hodi asegura prestasaun kuidadu ne’ebé efisiente;

i) Otimiza utilizasaun konsumáveis klíniku;

j) Propoin modelu organizasaun foun ne’ebé asegura efisiênsia utilizasaun rekursu;

k) Promove dezenvolvimentu prosedimentu operasionál padraun kuidadu enfermajen no indikadór avaliasaun

prestasaun kuidadu;

l) Kontribui ba polítika formasaun no investigasaun iha área enfermajen;

m) Hakerek proposta jestaun pesoál enfermajen, ezemplu partisipa iha prosesu selesaun, dezenvolvimentu profisionál no mobilidade enfermeiru;

n) Promove no akompaña prosesu avaliasaun xefe unidade enfermajen sira;

o) Estudu kona-bá kustu no benefisiu servisu enfermajen;

p) Akompaña no asuntu hotu relasiona ho actividade enfermajen, inklui formasaun enfermeiru sira;

q) Apóiu Gabinete Kontrolu Kualidade hodi define padraun kualidade enfermajen no implementa.

a) Ezekuta polítika no planu ne’ebé aprova ba área apóiu diagnóstiku no terapêutika;

b) Koordena dezenvolvimentu planu actividade husi xefe servisu sira hotu iha área apóiu diagnóstiku no terapêutika hodi integra iha planu jerál HNGV;

c) Propoin medida ne’ebé presiza hodi hadia estrutura organizasionál, fíziku no funsionál servisu apóiu diagnóstiku no terapêutika;

d) Define padraun no implementa sistema avalizasaun no garantia kualidade apóiu diagnóstiku no terapêutika;

e) hakerek Proposta Relasiona ho jestaun pesoál, ezemplu ba prosesu admisaun, dezenvolvimentu no mobilidade;

f) Promove no akompaña prosesu avaliasaun pesoál apóiu diagnóstiku no terapêutika;

g) Kolabora ho Directór Servisu Asistênsia Klínika iha área apóiu diagnóstiku no terapêutika;

h) Acompaña no avalia regularmente asuntu seluk relasiona ho actividade apóiu diagnóstikuno terapêutica inklui formasaun profisionál refere;

i) Koordena ho ekipa servisu seluk hodi asegura prestasaun kuidadu efisiente no efikáz;

j) Rentabiliza uzu konsumáveis;

k) Propoin modelu organizasionál foun hodi asegura uzu efisiente rekursu;

l) Kontribui ba definisaun polítika formasaun no investigasaun iha área apóiu diagnóstikuno terapêutica;

m) Elabora proposta kona-bá jestaun pesoál unidade, ezemplu partisipaiha prosesu admisaun, dezenvolvimentu profisionál no mobilidade técniku sira;

n) Halo estudu hodi determina Kustu no benefísiu servisu iha área apóiu diagnóstiku no terapêutika;

o) Apóiu Gabinete Kontrolu Kualidade hodi define padraun kualidade iha área apóiu diagnóstiku no terapêutika.

a) Ezekuta polítika aprovadu iha área administrasaun, finansa no apóiu lojistiku;

b) Planu, koordena no avalia actividade departamentu no unidade administrasaun, finansa no apóiu lojistiku sira;

c) Koordena ho Diresaun Klínika, Apóiu Diagnóstiku no Terapêutika no Enfermajen dezenvolvimentu planu anuál, plurianuál no estratéjiku;

d)Konsolida no submete ba aprovasaun Konsellu Directivu proposta planu anuál no plurianuál, no mós orsamentu, no asegura monitorizasaun;

e) Jere rekusu husi nia diresaun, liu husi instrumentu planeamentu, kontrolu orsamentál no jestaun pesoál;

f) Halo aproximasaun entre Departamentu no unidade husi Diresaun Administrasaun, Finansa no Apóiu Lojistiku;

g) Kontrola no aprezenta konta Rekursu ne’ebé disponibiliza husi orsamentu Estado ne’ebé transfere ka husi doasaun;

h) Promove kooperasaun entre departamentu no unidade sira HNGV;

i) Suporta actividade administrativu iha unidade sira seluk ne’ebé presiza;

j) Apóiu departamentu no unidade atu estabelese sira nia planu, orientasaun no estratéjia jestaun;

k) Promove kumprimentu oráriu servisu no lei;

l) Hakerek relatóriu dezempenu kada fulan tolu.