Ohin loron Kualidade prestasaun kuidadu sai nu’udar preokupasaun populasaun, ami bele haree katak ezijênsia ba servisu saúde Kualidade aumenta loron loron. Dezafiu boot ba ami nia Ekipa hodi aprezenta da sidadaun servisu saúde ne’ebé bele kompete ho servisu ne’ebé servisu saúde ami nia viziñu iha Ásia fornese ba sira nia populasaun.

Husi tinan2020 to 2021, kuaze tinan 2(rua) dezafiu boot atu hadia servisu saúde hasoru pandemia Covid 19 ho nia konsekênsia além de afecta saúde populasaun, lori mós impactu ekonómiku ne’ebé negativu ho probeza aas no dezigualdade sosiál.

Maske difikuldade iha ho ami nia lema “Exselênsia Servisu, Kometimentu, Kompaixaun no Koñesimentu” ami nafatin mantén ami nia vizaun hodi sai nu’udar hospital referênsia área prestasaun kuidadu iha rai laran tomak, alende sentru ensinu ba prátika klínika no internatu médiku. Ami nia esforsu sei diriji ba melloria institusionál, kapasitasaun profisionál saúde, aumenta rekursu diagnóstiku no seguransa pasiente.

Maibé, ami nia esforsu depende mós ba populasaun ne’ebé iha mós responsabilidade atu kuidadu ho nia han ba moras ne’ebé bele prevene.

Website ida-ne’e sei sai nu’udar instrumentu ida hodi halo aproximasaun diak liu entre Hospital Nacional Guido Valadares ho komunidade ne’ebé ami serve, inklui utente no mós entidade ne’ebé koopera ho nia. Ami espera katak populasaun no entidade ne’ebé iha interese bele uza no ajuda mós ami hadia servisu Hospital.

Obrigadu