CERIMÓNIA DE ENCERAMENTO DE MISSÃO DA 5a EQUIPA DA BRIGADA MÉDICA CUBANA EM TIMOR-LESTE 2019 – 2022

Dili, 7 de Abril 2022, Concelho Directivo Hospital Nacional Guido Valadares (HNGV) halo seremonia Enceramento misaun ekipa V brigada médica Cubana iha Timor-Leste iha Salaun Encontro HNGV, Rua bidau toko Baru, Dili.

Iha Seremonia ne’e Cordenadora Brigada Medica Cubana, Dra. Elba Cabrales Riquenes aproveita hakarak agradese ba HNGV bele fo permiti ba sira hodi sai parte ida husi esperensia servisu hamutuk ho Hospital no sira statisfas ba domin nebe sira simu husi maluk Timor Leste.

Dirétor Servisu Asistencia Clinica HNGV hansan mos Reprezentante Diretor Ezecutivo HNGV, Dr. Marcelino Vicente Correia, agradese barak ba servisu conjunta husi Médica Cubana sira nebe halo knar iha HNGV no halo prestasaun servisu hamutuk ho Médico Timor oan sira ba didikasaun durante iha HNGV no balun nebe kolabora servisu iha momento atende pasiente covid-19 iha Isolamento Vera cruz nomos Isolamento Lahane.

Diretor Servisu Asistencia Clinica iha biban nee mos hakarak lori Concelho Directivo HNGV husu ba Brigada Médica Cubana sira atu fo apoio nafatin mai iha HNGV liu-liu ba unidade sira nebe durante nee menus Rekursu ba Medico Espesialista.

Nia Espera kolaborasaun entre Hospital ho Brigada Médica Cubana sira bele lao diak liu tan no bele sai parseiro ka amigo nebe diak, liu-liu iha servisu clinico nian ba atendemento pasiente.

Entertantu, iha serimonia ne’e husi HNGV Entrega Tais hanesan rekordasaun nomos Sertifikado ba Brigada Médica Cubana Hamutuk 26 Pesoas.

Marka Prezensa iha Seremonia nee husi Reprezentante Diretora Prestasaun Servisu Saude, Dr. Mariano D. S Marques, Concelho Directivo HNGV, Cordenadora Brigada Medica Cubana ho Ekipa, Acessora Juridika HNGV, Acessor Etika & Profesional HNGV, Xefe Gabinete no Departamento HNGV.

REMATA.