DIRESAUN ADMINISTRASAUN, FINANSAS, LOGISTICA NO APROSIONAMENTU HNGV RESPONSAVEL ICAR BANDEIRA FULAN FEVEREIRO 2025

Dili (Media HNGV) Wainhira ita kompara dadus HNGV 2024 ho Dadus 2023, iha tinan 2024 atendimentu ba pasiente iha HNGV numero sae makas liu tinan 2023 ne’ebé ita hare husi total pasiente internados ka baxa iha HNGV 2023 hamutuk 21.219 pasientes kompaara ho atendimentu ba pasiente internados HNGV tinan 2024 hamutuk 24.131 pasiente.

Informasaun ne’e hato’o husi Diretora Administraçao, Finanças, Logistica no Aprosionamento (AFLA-Sigla Portugues) Sra. Sara Maria Filomena Xavier, M.Part ne’ebe sai hanesan Inspetora da Seremonia iha ninia Deskursu Içar Bandeira iha Resinto HNGV (3/2/2025).

Directora AFLA haktuir iha tinan 2024 Profisional Saúde HNGV mos fo atendimentu iha Emerjensia hamutuk 66,867 pasiente, Konsulta Ambulatorio ka OPD hamutuk 134.783 pasiente no pasiente halo operasaun hamutuk 5.400 resin.

Directora Administrasaun, Finansas e Logistica HNGV, Sra. Sara Maria Filomena Xavier, M.Part hato’o ninia deskursu iha Serimonia Icar Bandeira Fulan Fevereiro 2024 iha Resinto HNGV. (Foto HNGV/Dicson)

Directora AFLA HNGV hatutan husi total pasiente internados tinan 2024 nian, HNGV mos fo alta ona pasiente ka pasiente sira hetan rekoperadu hamutuk 22.411 ho 98 %.

“Husi numeru pasiente ne’ebé baxa, 98% rekoperadu ka alta ba uma depois hetan tratamentu ne’ebé diak husi profisional saúde sira hotu no suporta husi entidade tomak inklui mos indikadores statistika ne’ebé mak kause as liu standard normal ida ne’ebé refleta ba karga servisu ka beban kerja ne’ebé bo’ot”. Dehan Directora AFL.

Directora AFLA haktuir tinan 2024 HNGV nia atinjimentu ba progreso desempeñu no indikador sira seluk hatudu resultadu ne’ebé diak hanesan ezekusaun Orsamento Geral Estado (OGE-Sigla Portugues) atinji 96 % inklui projetu lima ne’ebé mak konklui ona no rua seluk se termina iha fulan ida ne’e.

Alende Directora AFLA husu ba kargus xefia no staff HNGV atu nafatin hala’o ida-idak nia knar tuir padraun protokolu, regras no prosedimentu ne’ebé mak define ona hodi atinji kualidade atendimentu no fo satisfasaun ba paseinte sira sai nudar sentru de kuidadus.

Directora AFLA mos husu ba staff hotu nudar funsionario públiku atu halo knar ho sentido responsabilidade, reslasaun komunikasaun, zelu, Sejillu, Izensaun, Lealdade, obidiensia, respeitu, onestidade, inisiativu, kreatividade, pontualidade, assiduidade no servisu ekipa.

Emtertamtu marka presensa iha seremonia icar bandeira fulan Fevereiro 2025 ida ne’e partisipa maximu husi Directora Ezekutiva HNGV, Membru Konselhu Diretiva, Acessor Juridiku, Xefi Gabinete, Xefi Departamento, Xefi Unidade, Supervisor klinika, Edukador Klinikal, no Pesoal servisu HNGV.

REMATA

MediaHNGV/Theo