Diresaun AFL HNGV Responsavel Seremonia Icar Bandeira Fulan Setembro

Corpo icar Bandeira Nacional husi Funsionario Diresaun Administrasaun, Financas no Apoio Logistica (AFL) HNGV wainhira hasae Banidera Nacional RDTL iha Resinto HNGV (Foto HNGV/Theo)

Dili (Media HNGV) Funsionario HNGV tenke kontribui hodi kontinua ba luta ukun rasik an liu husi servisu ekipa ne’ebé durante nee ita nia heroi sira hatudu ba ita katak luta ba ukun rasik an sei la lao mesak maibe sempre lao hamutuk.

Informasaun ne’e hateten husi Diretora Servisu Apoia Diagnostika e Terapeutiku (SADT) HNGV, dra. Mingota da Costa Herculano ne’ebe sai hanesan Inspetora da Seremonia iha ninia Deskursu Içar Bandeira iha Resinto HNGV (4/9/2023).

Diretora Servisu Apoia Diagnostika e Terapeutiku HNGV, dra. Mingota da Costa Herculano ne’ebe sai hanesan Inspetora da Seremonia hato’o Deskursu Içar Bandeira iha Resinto HNGV ( Foto HNGV/Theo)

Diretora hatutan nudar pesoal saude mos tenke tau ita nia an atende moras sira ne’ebé persiza tulun ba atendimentu ho diak tuir ida-idak nia profesional.

Diretora Servisu Apoia Diagnostika e Terapeutiku HNGV hateten hanoin fila fali loron 4 de setembro 1999 povo Timor Leste 78,5% vota ba Timor Leste ukun an.

“Loron 4 de sembro 1999 loron ne’ebé mak nakonu ho esperansa nomos tauk wainhira hein resultado kona ba idependensia, nebe anunsiu katak 78,5% husi povo timor leste hakrak ukun rasik an, iha tempo ne kedas balun fo an ba mate to’o loron ohin balun hamutuk iha nee maske ho tauk ho nakdedar maibe firme nafatin hodi kontinua luta ida ne’e” Dehan Diretora SADT HNGV

Alende ne’e mos diretora SDAT hataten loron importante ida nee, povo Timor Leste rona resultadu nomos determina ukun rasik an ba 24 anos,nune’e nudar funsionario publiku no ajente administrativu tenke lao ba oin, lao nafatin tuir dalan heroi sira hatudu hela mai ita.

Responsavel ba icar Bandeira fulan Setembro husi Diresaun Administrasaun, Finansas no Apoiu Logistico no partispa maximu husi Concelho Diretivo, Xefi Gabinete, Xefi Departamento, Xefi Unidade no Funsionario Publiku no Ajente Administrativo HNGV

REMATA

Gab.QCS/Theo