Asina pose husi Diretora Ezekutiva HNGV, Sra. Cecilia Barros Mendonca hamutuk ho Vise-Ministru Fortalesimentu Instituisional Saude iha Salaun Palacio da Cinzas Caicoli Dili ( Foto MS)
Dili ( Media HNGV) Tomada de pose ka nomeasaun ida ne’e sollisita exerece ita boot sira nia funsaun sira ho diak no responsabildade, profesionalismu, onesto no lealdade as hodi apoia ministeiru da saúde.
Informasaun ne’e hato’o husi Vise-Ministru Fortalesimentu Instituisional Saude (VMFIS) Jose dos Reis Magno iha nia deskursu ba seremonia Termo Pose ba kargos Diresaun no Xefia Servisu Sentrais, SNAEM I.P no Diretores Executiva HNGV no Instituisaun Nacional Farmacia no Produtus Medikus iha Salaun Encontro Palacio da Cinzas loron Kuarta Feira (27/9/2023).
Vise-Ministru Fortalesimentu Instituisional Saude (VMFIS) hatutan termu de posse ne’e hatudu katak ba futuru oin mai responsabilidade instituisaun nia liman ne’e iha ita bo’ot nia kabas tamba ne’e husu atensaun familia hotu iha nee atu fo apoia tempo barak liu ba sira atu servisu barak liu doque sira hela iha uma.
Vise-Ministru Fortalesimentu Instituisional Saúde (VMFIS) hateten Programa IX Governo Konstituisonal RDTL iha setor saúde katak sidadaun hotu-hotu iha direitu ba saúde no asistensia medika no sanitaria iha dever atu defende no promove saude.
Nia haktuir HNGV mak ospital referensia ba teretorial nasional no jeral sai hanesan prestasaun saúde tersiariu ba moras hotu ne’ebé hatutan husi ospitais rejionais no ospitais referral iha teritoriu nasaun Timor-Leste ne’ebe HNGV nia planu atu halo plano financial, finansiamentu no prestasaun kuidados saúde sira iha ospital laran atu estabelese servisu espesialidade sira .
Alem de ne’e Diretora Exekutiva HNGV, Cecilia Barros Mendonça hateten nia simu servisu ne’e hanesan kontinuasaun husi servisu Diretor sesante HNGV ne’ebe halo ona hodi hadia kualiade no prestasaun servisu kuidado saude iha HNGV.
“Hau asumi kargu ida ne’e ba futuro sei hadia kualidade atindimentu iha HNGV no halo mos kapasitasaun ba funsionariu HNGV no hasae kualidade prestasaun servisu kuidadus Saude iha HNGV.” Dehan Diretora Ezekutiva HNGV.
Seremonia ne’e husi akompanha husi Vise-Ministru ba Operasionalizasaun Ospitais (VMSOO), dr. Flavio Brandão mendes Araújo no marka prezensa husi Representante OMS ba Timor Leste, Representatnte UNICEF ba Timor Leste, Representante UNFPA ba Timor Leste, Representatante JICA, KOICA, USAID, Embaixador UE, RACS, Maluk Timor, Amu Kapelaun HNGV, Diretores Geral no Nasional Ministeiro Saúde.
REMATA
GabQCS/Theo