S.E Vise-Ministru Saúde Asuntu Operasionalizasaun ba Ospitais , Dr. Flavio Brandão hamutuk ho Reprezentante Organizasaun Mundial Saude (OMS), Dr. Arvind Mathur, Concelho Diretivo HNGV no Komunidade iha Merkadu Manleuna Dili. (Foto/Media HNGV (Theo)
Dili (Media HNGV) Prevelejiu bo’ot Ministeiro da Saúde hamutuk ho Hospital Nacional Guido Valadares (HNGV-Sigla Portugues) liu husi Departamento Oftamologia HNGV tinan ida ne’e selebra loron mundial Matan halo restreio iha merkadu Manleuana ho tema “ Hadomi ita nia matan iha servisu fatin” ne’ebe hetan suporta husi The Fred Hollows Foundation, Royal Australasian College of Surgeons (RACS-Sigla Ingles), Organizasaun Mundial Saúde (OMS), no ONG fo Naroman Timor Leste.
Informasaun ida ne’e hato’o husi S.E Vise-Ministru Saúde Asuntu Operasionalizasaun ba Ospitais , Dr. Flavio Brandão iha ninia deskursu ba Loron Mundial Matan 2023 iha Merkadu Manleuna Dili, Kinta Feira (12/10/2023)
Vise-Ministru Saúde Asuntu Operasionalizasaun ba Ospitais , Dr. Flavio Brandão hatutan husi tema ba selebrasaun loron matan nian fo mensagen katak nudar umano ita tenke hadomi ita nia matan atu fo prestasaun moris loron-loron, fiar katak familia no povu atu hatutan informasaun ba maluk sira seluk atu labele tauk ba konsulta matan iha Sentru Matan HNGV ne’ebé mais diak liu iha serbisu saúde HNGV hodi fo asistensia diak liu tan ho gratuito.
Dr. Flavio Brandão hateten Iha Mundo Global liu-liu Iha Timor-Leste iha problema barak ne’ebe persiza esforsu bo’ot para resolve tamba 80% iha tempu pasado inan aman problema ho matan ne’ebe hare la mos maibe agora ba oin tenke tau konfiansa ba servisu sadúe sira.
“Ita nia doutor espesialista sira ne’ebé servisu lahatene kolen hodi resolve problema 80% matan nian nune’e konfiansa ida ne’e persiza ita bo’ot fo fiar sira hodi hakbesik an ba atu sira presta diak liu tan no fiar katak dezenvolvimentu matan ne’ebé agora lao dadaun ho parseiro sira sei rezolve problema matan povo Timor-Leste sira infrenta iha tempo naruk” Dehan Dr. Flavio Brandão
S.E Vise-Ministru Saúde Asuntu Operasionalizasaun ba Ospitais , Dr. Flavio Brandão hato’o deskursu ba loron mundial matan iha Mercado Manleuna Dili, Kinta Feira (12/10/2023)
Iha fatin hanesan Diretor Asistensia Clinica HNGV, Dr.Marcelino Vicente Correia hateten Lori HNGV hakarak kongratula ba Departamento Ofttamologia ne’ebe organiza loron importansia hodi selebra loron mundial saúde matan ho tema ne’ebé furak oinsa atu hadomi ita nia matan.
“Hadomi ita nia matan hanesan buat furak nebe ita bele espresa iha ita nia moris loron-loron kaundo ita bele hare ho ita nia matan rasik hanesan ohin loron ita bele hare markadu Manleuana nia furak no komunidade barak iha fatin ne’e signifika tamba ita nia matan mak hatudu mai ita husi furak sira ne’e hotu” dehan Diretor Asistensia Clinica HNGV.
Nia hatutan hadomi ita nia matan ne’e importante tebes ne’ebé tenke hakbesik an ba sentru saúde iha Timor Laran Tomak wainhira hakarak hatene problema iha ita nia matan.
Nia mos hateten Tamba ida nee HNGV pronto atu fo apoiu no suporta ba atividade ne’eé durante departamentu oftamologia sempre hala’o servisu atendimentu ba komunidad persiza sira nia tulun no agrdese kontribuisaun hanesan fahe olku gratuito ba komunidade husi NGO Fo Naroman Timor Leste.
Diretor Asistensia Clinica HNGV, Dr.Marcelino Vicente Correia deskursu ba loron mundial matan iha Merkadu Manleuna Dili
Alende ne’e mos iha deskursu Xefe Departamentu Oftamologia HNGV, Dra. Julia R. Cesar Magno hateten aktividade ne’e atu hafanu ema ida-idak atu fo atensaun no importansia ba saúde matan nian rasik oinsa atu protoje no prevene ema ida-idak nia matan husi moras matan ne’ebé bele halakon visaun
Nia Hatutan Husi departamento matan dadus ne’ebe rejistu ho numero as kada tinan, mak hanesan Catarac, Refractive Error (problema ho olku), infeksaun matan no Ran Midar no kazu sira bele prevene antes ho konsulta matan mak hanesan restreio iha Sentru matan HNGV, ba Komunidade no iha eskola
Xefe Departamentu Oftamologia HNGV, Dra. Julia R. Cesar Magno hato’o deskursu loron mundial matan iha Merkadu Manleuana Dili
Tuir dadus husi Departamento Oftamologia HNGV ba aktividade konsulta iha Mercado Manleuana rejistu 298 pasiente kompostu husi Mane 102 no Feto 196 ne’ebe Pasiente sira ne’ebe simu olku hamutuk 222, Kazu Cataract 17 no Kazu Pterygium 9.
Emtertantu Marka Prezensa iha Seremonia ida ne’e husi Reprsentativu Organizasaun Mundial Saúde (OMS),Concelho Diretivo HNGV, Representante Prezidente Autoridade Local Munisipiu Dili, Repersentante Ajunto Munisipiu Dili, Diretor Servisu Mercado Jestaun Turismo Munisipiu Dili, Comandante PNTL Comunitaria Posto Administrativo Dom Aleixo, Xefu Suku Manleuna, Xefi Aldeia Manleuana, RACS, Xefi Departamento no Unidade HNGV.
REMATA
GabQCS/Theo