Vice-Ministru Saude ba Operasionalizasaun Ospitais hamatuk ho Representativo OMS no Diretora Ezekutiva HNGV no Partisipante Seminar Teknikal Loron Mudial Pasiente Seguro 2023
Hospital Nacional Guido Valadares hamutuk ho Ministeiru Saúde no Organizasaun Mundial Saúde selebra Seminariu Teknikal ba loron mundial pasiente seguru 2023 ho tema “ Hasae Pasiente nia Lian ba Pasiente nia Seguransa” iha Salaun Encontro HNGV, Rua Bidau Toko Baru Dili.
Iha deskursu Diretora Ezekutiva HNGV, Cecilia Barros Mendonça hateten bainhira koalia kona ba seguransa pasiente, realmente koalia kona ba hospital no fasilidade saúde sira ne’ebé kuidadu nia pasiente husi erru, lezaun ka injuria, asidentes no infeksaun.
Nia hatutan seguransa pasiente mak estrutura husi atividades organizada ida ne’ebé kria kultura, prosesu, prosedimentu, komportamentu, teknolojia no ambiente iha kuidadus saúde ida ne’ebé reduz risku ho forma konsistente no sustentavel, reduz akontesimentu husi perigu ne’ebé ita bele evita, hamenus probalidade erru no reduz nia impaktu wainhira akontese erru.
Diretora Ezekutiva HNGV, Cecilia Barros Mendonca fo apela ba pesoal saúde hotu atu asegura seguransa pasiente nafatin manten limpeza no desinfeksun iha ambiente hodi prevene infeksaun nosocomial, fase liman tuir momentu lima ijene liman nian wainhira atende pasiente, pratika ANTT no medikmentus seguru, jestaun lixu seguru, fo kuidadus ba pasiente tuir padraun protokolu.
Deskursu husi Diretora Ezekutiva HNGV, Sra. Cecilia Barros Mendonca iha Seminar Teknikal Loron Mundial Pasiente Seguru 2023
Iha fatin hanesan Reprenzantante Organizasaun Mundial Saúde ba Timor Leste, Dr. Vianay Bothra iha nia deskursu hateten tinan-tinan ema barak mak mate iha hospital tanba aspetu sira ne’ebe relasiona ho seguransa pasiente nian liu husi aimoruk ne’ebe fo lalos, malpratika, fase liman ne’ebe lalos no asaun sala seluk bele lauza perigo ba pasiente.
Dr. Vianay Bothra hateten seguransa ba pasiente nee kritiku ka importante tebes, ohin loron ita hanesan mediku,maibe aban it abele sai fali pasiente, nune’e tenke asegura no tau prioridade ba seguransa pasiente.
Deskursu husi representative OMS, Dr. Vianay Bothra iha Seminar Teknikal Loron Mundial Pasiente Seguru 2023
Iha intervista Vice Ministru Saude Asuntu Operasionalizasaun ba Ospitais , Dr. Flavio Brandão hateten aktividade tinan-tinan selebra atu fo hanoin fila fali ba pesoal saude sira atu halo prestasaun servisu ho diak atu nune pasiente sira hetan asistensia iha hospital bele sente statisfas tamba durante ne’e publiku barak hato’o lamentasaun ba atendimetu sira iha ospital.
“Ita konsente hela durante nee lamentasaun no la statisfasaun isu sira nee lao hela maibe ita kontinua melhora iha oin, pesoal saude mos konsente katak hospital nee la iha ema seluk mak hadia, so ita rasik mak halo hospital nee sai hanesan fatin ida nee mak seguru ba ita an rasik, familia no maluk sira ne’ebe moras” Dehan Dr. Flavio Brandão
Deskursu Vice Ministru Saude Asuntu Operasionalizasaun ba Ospitais , Dr. Flavio Brandão iha seminar teknikal loron mundial pasiente seguro 2023
Vice Ministru Saude Asuntu Operasionalizasaun ba Ospitais , Dr. Flavio Brandão hatutan selebrasaun loron ohin nian importante atu garante kualidade saude liu husi aktividade seminar teknikal ne’ebe orador husi mediku espesialista no edukador sira mak sai apresentador koalia kona ba melhoramentu servisu asistensia iha ospital terirotio sira atu nune’e partisipante pesaol saude saida bele hatene no sira ida-idak bele halo sira knar ho los no diak.
sira nee atu lori pesoal sira halo ida-ida nia knar ho los ho diak. Ida nee mak itahalo aktividade balun halo seminar, nebe mediku espesialista sira se koalia barak liu tan kona ba melhoramentu servisu asistensia iha ospital iha teritorio sira.
Alem de ne’e atividade hodi komemora loron pasiente seguru 2023 mak hanesan Seminar Teknikal, Kompetisaun Avaliasaun Pasiente ka ISIAR no Komunikasaun GATHER ne’ebe partisipa husi unidade klinikal no non klinikal iha HNGV, Halo lakan Lampu Laranja iha HNGV no Lao Saudavel (Walk the Talk).
Aktividade Lao Saudavel (Walk the Talk) husi HNGV ba Sentru Saude Vera Cruz
Kompetisaun ISIAR no GATHER husi Departamento Klinikal no Non Klinikal HNGV
Marka presensa seminar nee husi Diretor Ezekutivo ka representate husi Hospital Referral,Representante Diretor Geral no Nasional Ministerio Saude, Reprentante St. John of God, Menzies, RACS, Xefi Gabinete, Departamento no unidade HNGV.
REMATA
#QCSHNGV/Theo