Reverendissimu Padre Francisco Barreto Hamutuk ho Reverendisisimu Padre Dionijio Bere Prejidi Misa Agradesimentu Loron Mundial ba ema moras ba dala XXXIII no Solenidade Nossa Senhora de Lourdes iha Kapela HNGV ( Foto Media HNGV/Dicson)
Dili (Media HNGV) Hospital Nacional Guido Valadares (HNGV-Sigla Portugues) Selebra Misa Loron Mundial ba ema moras ba dala XXXIII no Solenidade Nossa Senhora de Lourdes ne’ebé prejidi husi Reverendissimu Padre Francisco Barreto Hamutuk ho Reverendisisimu Padre Dionijio Bere, iha Kapela Nossa Senhora de Lourdes HNGV Rua Bidau Toko Baru, Dili, loron Tersa Feira (11/2/2025).
Padre Francsico Barreto iha ninia homilia hateten tinan ida ne’e mundo tomak selebra loron mundial ba ema sira ba dala XXXIII no loron solenidade Nossa Senhora de Lourdes hanesan mahein ba Hospital Nacional Guido Valadares.
Nia hatutan wainhira liga ho Sua Santidade Papa Francisco nia mensajen ba loron mundial ema moras dala XXXIII ho tema “Esperansa la bosok (Rm 5 : 5) maibe haforasa ita husi tentasaun sira” ne’ebé koalia kona ba pontu tolu importante mak hanesan Enkontro, Dom no Partilha .
Reverendissimu Padre Francisco Barreto hato’o homilia iha Selebrasaun Misa Loron Mundial ba ema moras ba dala XXXIII no Solenidade Nossa Senhora de Lourdes (Foto Media HNGV/Dicson)
Padre Francsico Barreto haktuir wainhira hasoru ka enkontro pasiente sira iha hospital ita sei dekskobre sira nia sofrimentu oin-oin no deskobere Nai Maromak Nia milagre sira.
“hamutuk ho pasiente sira ita sei deskobre sofirmentu oin-oin deit ne’ebé sira hasoru maibe wainhira professional saúde no familia pasiente sira labele halo ona buat ida, iha momentu ne’eba pasiente sira sei deskobre katak Maromak nia prezensa deit mak bele halo buat hotu” Dehan Pe. Francisco.
Padre Francsico Barreto hatutan pasiente deskobre Maromak nia prezensa iha sira nia moris hanesan dons ka karisma ne’ebé mensajem husi Sua Santidade Papa Francisco nian hatete katak karisma ida ne’e ema ida-idak ho Maromak nia tulun mak bele deskobre Maromak nia asaun ka intervensaun iha ema ida-idak nia moris.
Konsellu Directiva HNGV hamutuk ho Funsionario HNGV Partisipa Selebrasaun Misa Loron Mundial ba ema moras ba dala XXXIII no Solenidade Nossa Senhora de Lourdes ( Foto Media HNGV/Dicson)
Padre Francsico Barreto hateten hafoin deskobre mak foin bele partilha simpatia, empatia, tulun no halo asaun karidade ba moras sira.
“Wainhira doskobre ita se patriliha ba moras sira liu husi simpatia, empatia, tulun no halo asaun karidade kristu nian mak hanesan karidade ne’ebé la hein selu ne’ebé pontu frakeza ema ida nian maka dala barak atu halo asaun karidade tenke iha material foin realiza” dehan Pe. Francisco.
Emtertentu depois termina santa misa pasiente hamutuk ho familia pasiente no funsionario HNGV oferese aifunan ba iha Nossa Senhora de Lourdes hanesan sinal Domin no Agradesimentu.
Pasiente, Familia Pasiente no Funsionario HNGV Oferese Ai-funan Roasas ba iha Illas Nain Feto Nossa Senhora de Lourdes
Misa nee partisipa maximu husi Konsellu Diretiva HNGV, Xefi Departamento, Xefi Unidade, Funsionario, Pasiente no Familia Pasiente Sira.
REMATA
Media HNGV/Theo