Periodu Kolonial Portugues tinan 1975 hari ospital sentral iha Lahane Dili, ho naran Hospital Antonio de Carvalho depois muda fali ba naran Rumah Sakit Wirahusada Dili iha tinan 1976 -1983. Iha loron 11 fulan Abril tinan 1983 Hospital Lahane Dili muda fali ba edifisiu ospital foun ho naran Rumah Sakit Umum Pusat Dili iha Bidau to’o fulan Setembro 1999.
Iha loron 19 fulan Setembro 1999 hafoin Timor-Leste independensia momentu ne’eba International Committee for Red Cross (ICRC-Sigla Inglesh) foti desizaun ospital sai ospital sentral to loron 29 Juñu 2001. Iha tinan 2001 to’o 2003 Governu tranzisaun East Timor Transition Administration (ETTA-sigla Inglesh) muda fali ICRC ho naran Hospital Dili.
Ikus mai iha loron 29 fulan Juñu 2023 Hospital Nacional Dili inaugura husi DR. Maria Bin A. Alkatiri no troka fila fali ho naran Hospital Nacional Guido Valadares ne’ebe lokaliza iha Suku Bidau Santana, Postu Administrativu Cristo Rei, Administrativo Dili, Nasaun Timor-Leste ho Luan area 28.459 m2.
Hospital Nacional Guido Valadares (HNGV) mak hospital terciariu iha Timor-Leste ho objectivu fornese asistensia saúde diak liu nomos esforsu hodi kria, promove no hadia diak liu tan asistensia saúde hanesan centro de exelência ba servisu ospitalares iha Timor-Leste.