Hanesan parte ida husi Diresaun Apóiu Diagnóstiku no Terapêutika ne’ebé Directora hanesan dirijente máximu, ajuda husi xefe Departamentu Laboratório no Chefe Unidade Laboratório ne’ebé toma responsibilidade tomak ba lala’ok servisu Departamentu ninian. Iha aplikasaun servisu, liu-liu wainhira order reajente no konsumáveis, Laboratório HNGV tenki submete ninia rekizasaun ba iha Laboratório Nacional de Saúde(LNS) antes atu ba foti reagentes no konsumáveis sira iha SAMES, I.P.

Laboratório ida ne’ebé transforma aan dadaun husi sistema manual ba automátiku, nune’e iha servisu rutina uluk ne’ebé sei halo uza métodu manual muda tiha ona ba dijitál ka ho mákina. Sistema labtract ne’e Laboratório Nacional mak estabelese no selu. Servisu Laboratório HNGV foka liu ba teste hematólojia, biokimia, serologia no STAT Mikrobiolojia (microscopy only).

Laboratóriu foka ninia servisu iha área sitologia tanba reajentes disponível. Ba servisu istologia, oras ne’e dadaun mákina instala hotu ona no ezame patolojia mós lao dadauk hodi halo diagnóstiku definitivu ba tejidu umanu depende rekizasaun husi espesialista relevante.