Juramento Kargu Diresaun HNGV kompostu husi Diretora Servisu Administrasaun Finansas e Logistica, Diretora Asistencia Clinica, Diretora Enfermagen e Parteira no Diretor Diagnostico e Terapeutico HNGV iha Salaun Palacio da Cinzas Caicoli Dili (Foto Media HNGV)
Informasaun ne’e hato’o husi Ministra Saúde, dr. Elia A. A dos Reis Amaral iha nia deskursu ba seremonia Tomada de Posse kargus Diresaun Hospital Nacional Guido Valadares (HNGV-Sigla Portugues) iha Salaun Encontro Palacio da Cinzas loron Tersa Feira (16/1/2024).
Deskursu husi Ministra Saúde, dr. Elia A. A dos Reis Amaral ba seremonia Tomada de Posse kargus Diresaun Hospital Nacional Guido Valadares iha Salaun Encontro Palacio da Cinzas (Media HNGV)
Ministra Saúde, dr. Elia A. A dos Reis Amaral hateten wainhira simu ona knar foun ida ne’e sempre hasoru desafius maibe husi dezafiu sira nee labele hamate ka hapara imi nia espirito servisu no imi nia dedikasaun atu hadomi liu tan imi nia knar nudar servidor do povo.
“Ba ita boot sira nee simu pose hetan dezafiu sira nee labele hamate ka hapara imi nia esperito servisu no imi nia dedikasaun atu hadomi liu tan imi nia knar nudar servidor do povo Maibe ida ne’e atu hamanas liu tan imi nia komitmentu no dedikasaun atu hadomi professional liu tan ba imi nia misaun hanesan ohin halo juramento hateten ser leal no obidente nune’e labele hakiduk ba oin nafatin ” dehan Ministra Saúde.
Alende nee mos Ministra Saúde, dr. Elia A. A dos Reis Amaral fo encoragen nafatin ba servisu profesioanl saude atu servisu ho fuan no laran lori saude ida saudavel besik liu ba povu hodi dignifika no valorisa povu nia moris hanesan presente ida ne’ebe Maromak fo mai ita atu kuidadu ho fuan no domin tomak.
iha Intervista Diretora Administrasaun, Finansas no Logistica HNGV, Sara Maria F. Xavier hateten agardese ba IX Governo Constituisional RDTL liu husi Ministerio da Saude bele fo konfiasa no responsabilidade atu halo kna’ar iha Diresaun administrasaun, Finansas no Logistica HNGV.
Diretora Administrasaun, Finansas no Logistica HNGV, Sara Maria F. Xavier hatutan programa perioridade importansia ne’ebe sei hare mak hanesan hadia baze de dadus Rekursu humanus no analiza fila fali forsa servisu nebe aloka iha HNGV, ezekuta orsamento Geral do Estado 2024 hare ba skala kualidade oinsa atu rehabilitasaun ba edifisu sira iha HNGV, aumenta Ekipamentus no oferese uniforme ba pesoal saude no pasiente sira hotu.
Emtertanu marka perezensa iha seremonia nee husi Vice ministru Saude Operasionalizasaun Ospitais, Diretor Geral no Nasional Ministerio da Saude, Reprezentante ONG International no Nacional, Xefi Departamento no Funisionario.
Meida HNGV/Theo