Kompañia China Civil Engineering Construction Corporation (CCECC) hamutuk ho Diretora Enfermagen & Parteira HNGV oferese presente ba pasiente iha Sala Pediatria HNGV ( Foto/Media HNGV)
Dili ( Media HNGV) Komemera tinan foun xinesa nian ne’ebe monu iha fulan Fevereiro 2024, Kompañia China Civil Engineering Construction Corporation (CCECC-Sigla Inglesh) hala’o atividade asaun karitativa ba moras sira iha HNGV.
Informasaun hirak ne’e hato’o husi Jerente Negosio CCECC , Cui Zhenggou iha intervista ba Média HNGV iha Salaun Encontro CCECC, Bidau Dili, Kinta Feira (8/2/2024).
Nia hatutan CCECC hanesan kompañia ida ne’ebé Governo Timor Leste liu husi Ministeiro da Saúde fo konfiansa ba sira hodi hari konstrusaun andar 5 ba pediatria HNGV to’o kontrato termina.
Jerente Negosio CCECC , Cui Zhenggou aktividade ida ne’e haensan hatudu domin ba ema moras sira iha sala internamento Hospital Nacional Guido Vaadares ( HNGV-sigla Portugues) relasiona ho tinan foun xinesa ne’ebé sei selebra iha loron 9 fulan Fevereiu 2024.
“CCECC laos halo konstrusaun deit ba HNGV pediatria andar 5 maibe iha biban ne’e mos ami hakarak hatudu domin ba sosiadade liu husi presente ne’ebé simples ba moras sira tamba relasiona ho tinan foun xinesa nian nune’e ami hakarak fahe domin no melhor komprimento hamutuk ho sosiadade no moras sira” Dehan Jerente Negosio CCECC.
CCECC mos hakarak agradese ba S.E Ministra Saúde ho nia membru strutura tomak nomos HNGV ba apoiu no kolaborasaun servisu durante ne’e lao ho diak.
“Obrigado barak ministerio saude no HNGV tamba ho servisu hamutuk no apoiu servisu hotu lao ho diak , wainhira ami mesak labele halo buat ida. Espera antes kontratdu remata ami se halo buat diak ruma ba pasiente sira liu husi presente ne’ebé ami oferese tuir ami nia kbit no responsabilidade”. Tenik Jerente Negosio CCECC.
Jerente Negosio CCECC , Cui Zhenggou entrega presente ba pasiente iha sala Non TB HNGV ( Foto/Media HNGV)
Iha lidun seluk Diretora Enfermagen & Parteira HNGV, Enf. Maximiniana L.S. Ferrão, lori concelho diretiva HNGV hakarak fo agardese mos ba Kompañia CCECC ne’ebé atual halo hela kontrusaun ba sala pediatria andar 5 lokraliza iha HNGV.
Diretora Enfermagen & Parteira HNGV hateten Kompañia CCECC iha inisitiva no Boa Vontade hodi oferese presente ba moras sira iha sala enfermaria.
“Sira iha boa vontade ne’ebé diak no inisiativa rasik husi sira nia fuan hakarak oferese presente simples ba pasiente sira iha sala enfermaria pediatria, isolamento, pulmo non TB no kuidadus paliativus. “ dehan Diretora Enfermagen & Parteira HNGV ba Media HNGV iha ninia Edifisio.
Diretora Enfermagen & Parteira HNGV hateten HNGV simu presente husi Kompañia CCECC hamutuk 100 pakotes ne’ebé apoiu bazika fo ba moras sira mak hanesan Sabaun, Eskova, Pastadente, Sanitizer, susu ben, Juice, Biskuit, no seluk-seluk tan.
Emtertanto marka presensa iha atividade ida-ne’e husi Cui Zhenggou hanesan Jestor Negoicios CCECC, Chenliang hanesan Xefi Enjeñaria no Jestor Operasional CCECC, Tomas Viegas hanesan Jestor Administrasaun no Tradutor CCECC, Vitor Soares Martins hanesan Director Geral Unidade Jestaun Projecto da Saúde, Enf. Maximiniana L.S. Ferrão hanesan Diretora Enfermagen e Parteira HNGV, Jacinto Ximnes Ornai hanesan Xefi Departemento Enjeñaria HNGV, Armenia da C. Pereira hanesan Xefi Gabinete Controlo Kualidade interina HNGV no Ekipa Kontrolo Kualidade HNGV.
Media HNGV/Theo