Foto hamutuk Diretora Ezekutiva HNGV, Diretor Jeral SNAEM, Diretor Saude Munisipiu Dili, Diretor Apoio Diagnostico e Terapeutico HNGV hamutuk ho Partisipante Treinamentu Suporta Moris Baziku (Foto/Media HNGV)
Treinamnetu Suporta Moris Baziku ida ne’e hanesan tereinamentu konjuta husi, Servisu Nacional de Ambulancias de Emergência Médica (SNAEM-Sigla Portugues) ,Hospital Nacional Guido Valdares (HNGV-Sigla Portugues) no Servisu Munisipal Saúde ne’ebé sei servisu hamutuk hodi fo atendimentu primeiru sokoro ba sarani sira ne’ebé partisipa iha Santa Misa Paskua.
Informasaun ne’e hato’o husi Directora Ezekutiva HNGV, Cecilia Barros Mendonça iha ninia deskursu ba treinamentu suporta moris baziku iha Salaun Enkontru HNGV Dili, Kuarta Feira (28/2/2024).
Directora Ezekutiva HNGV hateten treinamento ida hanesan refreshing training ba pesoal saúde sira hodi preparasaun ba santa misa paskua .
“Treinamentu ne’e hanesan refreshing training ba preparasaun loron bo’ot paskua nian, treinamentu laos buat foun mai pesoal saúde sira ne’ebé atu fo hanoin fila fali atu preparasaun ba loron bo’ot paskua hodi fo atendimentu diak no los ba sarani sira bainhira hetan atakasaun moras durante partisipa Santa Misa Paskua no Viasacra” Dehan Directora Ezekutiva HNGV
Directora Ezekutiva HNGV, Cecilia Barros Menconca hato’o Deskursu iha Treinamentu Suporta Moris Baziku ( Foto/Media HNGV)
Iha intervista Director Geral SNAEM, dr. Simplicio Amaral de Deus hateten Treinamentu ne’e hala’o bazeia ba deSspashu husi S.E Ministra Saúde ne’ebé hatutan ba SNAEM hodi kolabora hamutuk ho HNGV, Servisu Munisipal Saúde no parseiru The Partnership for Human Development-Australia (PHD-Sigla Ingles).
Director Geral SNAEM hateten objektivo husi treinamentu ida n’ee maka atu asegura sarani sira ne’ebé partisipa santa misa paskua.
“Objektivo husi treinamentu ida ne’e atu asegura sarani sira iha Igreja Munisipiu Dili no inklui sira ne’ebé partisipa viasakra iha Kristu Rei no Golgota tamba ita hatene katak iha festa paskua sarani barak sei infrenta oin nakukun no desmaia”. Dehan Director Geral SNAEM ba Jornalista iha Resinto HNGV.
Director Geral SNAEM hatutan SNAEM sei identifika igreja boot sira iha munisipiu Dili mak hanesan Igreja Catedral Nossa Senhora Imaculada da Conceição, Igreja Paroquia Santo Antonio Motael, Igreja Paroquia Nossa Senhora Imaculada da Conceição Balide, Igreja Paroquia Sagrado Coração de Jeus Becora no seluk-seluk tan.
Director Geral SNAEM dehan treinamento ne’e hala’o durante loron 2 kompostu husi partisipante 30 resin no formador 7 no hetan fundus finansiamentu husi parseiro PHD.
“Treinamento ne’e Formador sira husi Departamento Emergencia HNGV no SNAEM hamutuk 7 pesoas, Partisipante husi SNAEM 12 pesoas, Munisipio Dili 20 peasos. Hamutuk 30 no Iha tempo badak nia laran sei kordena mos husi parte Cruz Vermelha Timor Leste (CVTL)” Tenik Director Geral SNAEM.
Director Geral SNAEM, dr. Simplicio Amaral de Deus, Hato’o Deskursu iha Treinamento Suporta Moris Baziku ( Foto/Media HNGV)
Alende ne’e mos Diretor Jeral Servisu Munisipal Saúde, Mateus Pinto hateten Ekipa ne’ebe partisipa iha treinamentu ida ne’e prepara laos deit ba Santa Misa Paskua maibe preparasaun mos ba vizita Sua Santidade Papa Fransisco I mai Timor-Leste.
Nia hatutan Servisu Munisipal Saúde aloka pesoal nain 4 husi sentru saude lima mak hanesan Vera Cruz, Formosa, Comoro, Becora no Metinaru hodi tuir treinamentu no sei servisu hamutuk ho Pesoal sira husi CVTL.
Emtertantu Marka Prezensa iha Treinamentu ne’e husi Directora Ezekutiva HNGV, Diretor Jeral SNAEM, Diretor Jeral Servisu Munisipal Saúde, Diretor Apoio Diagnostico e Terapeutuco HNGV, Representative PHD no Pesoal saude husi HNGV, SNAEM no Servisu Munisipal Saúde.
Teo/Media HNGV