Corpo icar Bandeira Nacional husi Pesoal Seguransa HNGV wainhira hasae Banidera Nacional RDTL iha Resinto HNGV (Foto HNGV/Theo)
Dili ( Media HNGV) Funsionário HNGV tenke servisu pontualidade hahu no sai servisu tuir oras ne’ebe hatur ona iha lei no.5/2009, 15 Julhu komisaun funsaun publika koalia kona ba dever jeral husi funsionáriu públiku no ajente administrasaun iha artigu 40 alinea (g) pontualidade.
Informasaun ne’e hateten husi Diretora Ezekutiva HNGV, Cecilia Barros Mendonça ne’ebe sai hanesan Inspetora da Seremonia iha ninia Deskursu Içar Bandeira iha Resinto HNGV (5/2/2024).
Diretora Ezekutiva hatutan Funsionário Públiku hetene nia knar servisu durante oras 8 nia laran tamba ne’e tenke servisu ho pontualidade ne’ebé hahu no sai oras servisu.
Diretora Ezekutiva HNGV, Cecilia Barros Mendonça hateten xefe departamento no unidade tenke kontrola no fo sansaun ba funsionáriu públiku no ajente administrasaun nebe’e durante ne’e la kumpri tuir lei funsaun publika nian.
“Ba xefi departamento no unidade tenke kontrola pesoal sira ne’ebe mak servisu la tuir sira nia hakarak , nudar xefi tenke foti desisaun hodi fo sansaun ba staf sira tamba ida ne’e hanesan responsabildade ita nian iha HNGV”. Dehan Diretora Ezekutiva HNGV
Diretora Ezekutiva HNGV, Cecilia Barros Mendonca ne’ebe sai hanesan Inspetora da Seremonia hato’o Deskursu Içar Bandeira iha Resinto HNGV ( Foto HNGV/Theo)
Diretora Ezekutiva HNGV hateten Pesoal servisu iha HNGV tenke fo atentidimentu ne’ebe ho oin midar no hamnasa ba pasiente sira.
“Pasiente sira persiza ita nia atendimentu laos fo deit aimoruk maibe oinsa ita nia ita nia atendimentu ho domin nakonu ho kompaixaun tamba laos deit ho ai-moruk maibe ho ita nia atendimentu ho oin mindar no hamnasa pasiente sira bele hetan rekopera” Tenik Diretora Ezekutiva HNGV
Alende ne’e Diretora Ezekutiva HNGV, Cecilia Barros Mendonça hato’o agaradese ba konsellu HNGV anterior ne’ebe hala’o servisu diak tebes ho dedikasaun no responsabilidade tomak nomos fo benvindo ba konselhu foun HNGV ne’ebe loron primeiro hamutuk ho funsionario hotu hodi halao icar bandeira no halao knar iha HNGV. nebe sei servisu hamutuk hodi hadia HNGV diak liu tan ba iha futuru.
Funsionario Publiku no Ajente administrasaun HNGV partisipa Içar Bandeira iha Resinto HNGV (Foto HNGV/Theo)
Emtertamtu Responsavel ba icar Bandeira Fulan Fevereiro 2024 husi Diresaun AFL no partisipa maximu husi Konselhu Diretiva, Xefi Gabinete, Xefi Departamento, Xefi Unidade, Supervisor klinika, Edukador Klinikal no Pesoal servisu HNGV.
REMATA
Gab.QCS/Theo